Айсмарк компани 1996 онд торхтой сүүн бамбар зайрмагаар үйл ажиллагаагаа эхлүүлж байсан бол өдгөө үндэсний уламжлалыг хадгалсан 20 гаруй брэндийг төрүүлэн нутагшуулж, бүтээгдэхүүнийхээ төрлийг жил бүр тасралтгүй өргөжүүлсээр байгаа билээ. Манай компанийн нэрийн хуудас болсон үндсэн дөрвөн брэнд болох Бамбар, Венус, Премиум, Аляска зэрэг амтат зайрмагнууд нь борлуулалтаараа жил бүр тэргүүлдэг. Улмаар Бамбар брэнд үүссэн цагаасаа монгол хүний амтлах мэдрэхүйд таашаагдсан, хүн бүрт хайрлагдсан зайрмаг болсны сацуу нэмэлт орцуудаар баяжигдан чацарганатай, йогурттай, гүзээлзэгэнэ, манготой зэрэг олон төрлүүдийг хэрэглэгчдийн гарт хүргэлээ. Шоколадны амтаар тэргүүлэгч, импортыг орлох Венус брэнд нь хамгийн олон нэр төрөлтэй буюу иристэй, тэсэрдэг чихэртэй, шоколадтай, гүзээлзгэнэтэй, жигнэмэгтэй, дабль шоколадтай зэрэг 12 төрөлтэйгөөр худалдаанд гарч байна. Мөн зөөлөн, тааламжит амтын илэрхийлэл болсон Аляска брэнд нь цөцгийтэй, гүзээлзгэнэтэй, шоколадтай төрлүүдтэйгээс гадна хорека сувагт зориулагдсан савлагаатайгаар онцлогтой. Ирисэнд дурлагсдад зориулан үйлдвэрлэдэг Премиум брэнд нь аягатай, ууттай, рожок болон карамель жигнэмэгтэй төрлөөрөө онцгойрч чаддаг бол 2024 онд Baileys-ний амттай Delino, хуш модны самартай Richy зэрэг шинэ брэндүүдийг зах зээлд нэвтрүүлсэн нь хэрэглэгчдийн анхаарлыг татаж байна.