Дотоодын зайрмаг үйлдвэрлэлийн 90 орчим хувийг бүрдүүлдэг “Айсмарк” компанийн хувьд 2024 оны байдлаар 500 гаруй ажилтантайгаар үйл ажиллагаагаа явуулж байна. Нийт ажилчдын 60 гаруй хувийг залуу үеийнхэн, 30 орчим хувийг идэр насныхан, 10 хувийг ахмад настнууд эзэлж байна. Энэ бүтэц нь мэргэжлийн туршлага, шинэ үеийн эрч хүчийг хослуулан сурсан мэдсэнээ харилцан хуваалцаж, хамтдаа урагшлах нөхцөлийг бүрдүүлж байгаа юм. “Айсмарк” ХХК-ийн амжилтын үндэс, өсөлт дэвшлийн гол хөдөлгүүр нь зорилго нэгт ажилтнууд маань байдаг. Иймд компанийн удирдлага ажилтнуудынхаа мэргэжлийн болон хувь хүний ур чадварыг хөгжүүлж, өсөн дэвших боломжийг нээхэд онцгой анхаардаг. Энэ хүрээнд тогтмол сургалт, хөтөлбөрүүд зохион байгуулж, ажилтнуудынхаа мэргэжлийн ур чадвараа нэмэгдүүлэхэд нь бүх талын дэмжлэг үзүүлдэг. Мөн ажлын бүтээмжийг дээшлүүлж, ажиллах таатай орчныг бүрдүүлэх, ажилтнуудын сэтгэл ханамжийг нэмэгдүүлэх зорилгоор олон талт бодлого хэрэгжүүлж, тогтвортой ажиллах нөхцөлийг ханган ажилладаг. “Айсмарк” ХХК-ийн гол зорилго бол ажилтнуудынхаа амжилтыг бататгаж, тэднийг хөгжлийн замд чиглүүлэн ажилтан, ажил олгогч хамтдаа өсөн дэвжин манлайлах явдал юм.